ԿՅԱՆՔԸ ԱՊՐՈՒՄ ԵՆ , ՈՉ ԹԵ ՍՈՎՈՐՈՒՄ

Ես եկել եմ 20-րդ դարից :
21-րդ դարի վայրիվերումները խորթ չեն ինձ համար:
Պարզապես հանկարծ թեմաներ են ծնվել, որոնք կարծես ստեղծված են հենց կլորսեղանային բանավեճերի համար:
   " Պահապանողակա՞ն ես, ազգայնամո՞լ, եվրոպամե՞տ....."
Հա, ես 20-րդ դարից եմ եկել ու 21-րդ դարի վայրիվերումները  հաճելի են ինձ:
Երբ ասում եմ պետք է կյանքն ապրել անսահման անկախ ու անկանխատեսելի, սկսում են.
" Բա թմրամոլությո՞ւնը, հարբեցողո՞ւթյունը, համասեռամոլությո՞ւնը  ի՞նչպես գծել չարիքի  ու ազատության սահմանը..":
Երբ ասում եմ որ յուրաքանչյուր մարդ իր աշխարհն ունի, իր ընտրությունը, ասում են ." Բա, որ քո զավակներն էլ այդպիսի ընտրություն անե՞ն" :

  Ասում եմ "երբեք"...ապա ` "իսկ եթե՞".....հետո` " միգուցե".....
Ես չեմ վախենում:  Ես ինքս էլ իմ ծնողների ապրած դարի գաղափարները չեմ շալակել բերել 20-րդ դարից, նա էլ իմ ապրածը չի շալակելու : Ծնողի գործը կյանք տալն է և ոչ կյանք սովորեցնելը: ԿՅԱՆՔԸ ԱՊՐՈՒՄ ԵՆ , ՈՉ ԹԵ ՍՈՎՈՐՈՒՄ : Օժանդակել է պետք , ոչ թե հնամաշ խորհուրդներով թևաթափել:
Մի բան կա միայն, որ պետք է այս աշխարհ եկած յուրաքանչյուր ոգու զգուշացնել .ԵՐԿԻՆՔԸ ՔՈՆՆ Է.ԵԹԵ ԱՍՏՎԱԾ ԵՐԿԻՆՔ Է ՏՎԵԼ, ՃԱԽՐԱՆՔ ԷԼ ԿՏԱ .ԵԹԵ ԵՐԱԶԱՆՔ Է ՏՎԵԼ`ՀԱՍՆԵԼՈՒ  ՃԱՆԱՊԱՐՆ ԷԼ ԿԱ !!!!!!!!!
   Էլ ինչ է հարկավոր ասել՞ :  Մի՞թե  ավելին իմանալ պետք է, ի՞նչու փաթաթել կեղծ բարեպաշտական մոլորություններով, որոնք միայն խանգարում են մտածել ու ոչինչ չեն տալիս:
   Հա, մի բան ավելացնեմ, ես ոչ պահպանողական եմ, ոչ ազգայնամոլ, ոչ էլ եվրոպամետ: Ես գալիս եմ  20-րդ դարից ու 21-րդ դարի վայրիվերումները  հարազատ  են ինձ :)